ومين يقدر على بعدك
🌹🌹🌹🌹🌹🌹
متابعة /إيمان الحملي
شعر / الدكتور محمد جمعة
ومين يقدر على بعدك
فى عز البرد
ومين يقدر يفارق حضنك
الدافي لفوق الحد
مفيش غيرى بيزرع لك
فى كل مكان جناين ورد
وأخرتها بلاقى الصد
وأخرتها بقاسي البعد
ومين غيرى يغنيلك
ويشرب من عسل نيلك
ومين غيرى يناديلك
بكل الحب بكل الود
وهفضل عمرى بشتاقلك
ومستنى يجينى الرد
ومين يقدر على بعدك
وأنا قاعد على نيلك بغنيلك
وسهران معايا الليل
بيشكى الويل وأشكيلك
وناس حواليا سهرانة
تغنيلك مواويلك
وقلوب مجروحة بتغنى
وناس فرحانة تحكيلك
ولو نادى الآذان بالجامع
خلق الله بتتجمع وبتجيلك
ولو رن الجرس رنة
تلاقي الخلق تدعيلك
والكل الصبح بسمتهم صدى شمسك
حبك فى صدى صوتهم ومن همسك
والناس تشتاق تعيش يومك
وتاخد ذكرى من أمسك
بحرف الميم بدا اسمى
بأول حرف من إسمك
عاهدت الله أن أفديكي
لو فكر عدو يمسك
بتإسي كتير على ناسك
وهما برده حراسك
وفي رحابك أنا ناسك
أنا العاشق فدا ترابك
أنا سجنك وسجانك
أنا من عاش على حبك
وشكل روحه وجدانك
وإن يوم الزمن خانك
وقتلت فرحه أحزانك
تلاقينى أنا العاشق
وبروى في ورد بستانك
بحبك يا مصر
Mohammed Gomah – فى حب مصر
ومين يقدر على بعدك
